قمة النجاح .. فى الزن والالحاح

ععنوان غريب ... بس الموضوع أغرب.... ولنبدأ بالحكمة العجيبة والتى لاقت نجاحا أعجب
(((رزّل ..... تنّح.....تنجح)))
والله ده الاسلوب الناجح هذه الايام والله مابهزر
وتعالو نشوف على الطبيعه
وانت ماشى فى الشارع أكيد بيقابلك شحاتين والشحاتين أنواع
نوع فاشل ساذج عنده دم وهو اللي بيطلب منك الحسنه مره واحده بس وانت وذوقك بقى
والنوع التانى حبيب الملايين والناجح غصب عن اللى خلفونا
تلاقيه يتمسح فيك ولو فى عربيه وقفلت الشباك وعملت راجل تلاقيه يفتحهولك
ويخشلك منه ويناملك على الكبوت ويخبطلك راسه فى الاسفلت وغصب عنك هاتديله وماتفكرش
ده شئ خارج عن ارادتى وارادتك ولو جدع واديته فكه استحمل ياحبى

((ايه يابيه ده مال الكنزي للنزهى انت بتحوش لمين؟ ولا هيبقى حلو وانت بتصرفهم على عياك ومرضك!!!!))
أو ده بقى لو عنده شوية دم تلاقيه جنبه يافطه مكتوب عليها التسعيره الخاصه بيه
ده مثال عام تعالو نشوف مثال خاص شويه
الرزالة فى الحب


وكعادة المذيع أسامه منير وهو بيقول
الحب
لو بتحب فعلا ... حاول ترضى حبيبك بأى وسيلة
حاول تخليه دايما يحس انك معاه ..جنبه
خليه دايما يفكر فيك
ودلوقتى مع
تامر حسنى .... نور عينى


بس للأسف ناس بتفهم الكلام ده غلط

واحد كان كل 5 دقايق يكلم حبيبته علشان يقولها بحبك لدرجه ان المسكينه انهارت وكان هذا الحوار
((وحياة أمى بحبك... ودينى هاتجوزك...بس ارحم نافوخ اللى مخلفنى وسيبنى أنام))
وبعد المكالمه دى ب5 دقايق اتصل بيها تاااااانى وقاللها
((انتى نمتى ياحياتى!!!!!!!!!!!!))

على فكره الموضوع وصل أمريكا

شاب أمريكى كان بيحب بنت مطنشاه ومصدراله الطرشه....قام العبقري يعمل ايه؟.؟؟
اشترى بغبغان ودربه على جملة:
((مايكل بيموت فى التراب اللى بتمشى عليه كرستينا)) وتخيلها من بغبغان بقى!!!!!!!!!

ده حتى الصعيد

واحد بلدياتنا كان رايح يشترى فول.... تمام.... والراجل الحمدلله اداله الفول
وبعد ماخده رجع وقال للراجل الزيت كتير حط شوية فول..... والراجل تانى حطله
ورجع تانى وقاله الفول كتير حط شوية زيت... وبرضه الراجل حطله..مشكور يعنى
ورجع تاانى وتالت ورابع لغاية الراجل مازهق ورمى القدره ورمى الزيت وقطع شعره المسكين
قام بلدياتنا يقوله ايه ...!!... بلاش فول ياسيدى حط شوية زيت!!!!!!


فى أشكال كتير للغتاته بنتعامل معاها يوميا
منها اللى بنتقبلها وبتضحكنا لما بنفتكرها
ومنها اللى بجد بتخنقنا

فى ناس بينفخوا فى النار
وبيستخدمو الغتاته دى عشان يضغطوا علينا بيها
أنا بحذرهم جميعا

solo انور السادات