منتديات سباى فيت .....لكى نتواصل علينا ان نتحاور ولكى نتحاور علينا ان نتناقش ....يدا واحده لبرالأمان
 
الرئيسيةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» أرجو الدخول هناااااااااا ( وجوب الصلاة علي النبي (ص))
الأربعاء أغسطس 12, 2009 10:58 pm من طرف rozita2

» يهود ولكن مصريون.
الخميس يونيو 04, 2009 11:40 pm من طرف mrmr

» متى تضحك البنت ؟
الخميس يونيو 04, 2009 11:28 pm من طرف mrmr

» ماهو الشىء الذى غير حياتك ؟؟؟
الخميس يونيو 04, 2009 11:04 pm من طرف mrmr

» اصــدقـــاء الـــمــنـــتــدى
الخميس يونيو 04, 2009 10:34 pm من طرف mrmr

» فديوهين ممنوعين للعرض على وسائل الاعلام ل اعدام الخنازير فى
الخميس يونيو 04, 2009 8:19 pm من طرف فتحى

» فيديومجزره فى الاسكندريه شاب يقتل اخر فى الشارع قدام الناس.
الخميس يونيو 04, 2009 8:12 pm من طرف فتحى

» Anatomy CD
الإثنين مارس 16, 2009 6:25 pm من طرف د.محمد

» خدع بصرية....
الإثنين فبراير 09, 2009 4:53 pm من طرف tammara

» خمسة عشر الــف شريــط اسلامي في برنامج صغير
الأحد فبراير 01, 2009 1:46 am من طرف lalaafocato

بحـث
 
 

نتائج البحث
 
Rechercher بحث متقدم
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 19 بتاريخ الخميس يوليو 25, 2013 12:26 pm
التبادل الاعلاني

شاطر | 
 

 جهزت العروووووسه يا عماد يا حمدي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
ADMIN
ADMIN
avatar

انثى
عدد الرسائل : 1122
العمر : 32
الموقع : www.spyvet.ahlamontada.com
العمل/الترفيه : only doing what i want
المزاج : nice
رقم العضويه : 1
تاريخ التسجيل : 18/11/2007

مُساهمةموضوع: جهزت العروووووسه يا عماد يا حمدي   الإثنين فبراير 11, 2008 11:14 pm

الف مبروك يام محمد ....

الله يخليكى ياحبيبتى .وعقبال عندكوا ونفرح بالمحروس

وبعد ما الناس عرفت ان ام محمد جه لبنتها العريس وقروا الفاتحه



وعملوا الخطوبه

ويادبله الخطوبه عقبالنا كولنا ونبنى طوبه طوبه(( فعش حبنا ))

وجت ام محمد (ام العروسه)

ولقيت نفسها خلاص مابقيش على الفرح غير شهرين .. والعريس بيدهن فى الشقه ومش ناقص غير انهم ينزلوا يجيبوا العفش والفرش والمطبخ والذى منه

راحت على طول على الخير والبركه ابو العروسه (عماد حمدى) طبعا ابو العروسه بيبقى الخير والبركه دلوقتى بس

ماتفكلنا ياخويا الشهاده اللى انت عاملها للبنت علشان ننزل نشترى اللى علينا

ابوا العروسه: واحنا علينا ايه


يوه انت نسيت ما انا اتفقت مع الوليه اوبرا عايده (حيث ان حماته العروسه اسمها عايده ..(الوليه) لان كل امهات العرايس بيوصفوا الحموات بهذا اللقب )
اتفقتوا هو كلام ستات ولا كلام رجاله

ما انت كنت قاعد مع جوزها وقولتوا اه

هو ايه اصله ده انت هتغير كلامك وتطلعنا صغيرين وتصغر بنتك ولا ايه

عماد حمدى :خلاص خلاص اكتمى .. هو احنا علينا ايه
علينا اوده النوم والصالون

عماد حمدى : يالهوى ..خلاص ننزل دمياط نشتريهم ونخلص

نخلص انت فاكرها بالسهوله دى .. هو انت هتجيب خشب وخلاص...
لاء انت مش واخد بالك
احنا هنجيب السجاجيد و النجف و الستاير بتاعه الاودتين دول غير لبسها ولازم نعملها دولاب يسد عين الوليه اوبرا عايده علشان اما تفتحه وتتفرج عليه

ده غير المطبخ واحنا شيلنا معاهم البتوجاز والتليفزيون علشان نسهل على الواد

ده غير الخلاط وعصاره الجزر والكبه والكيتشن ماشين ..

ابو العروسه يالهوى وهو لازم التليفزيون مش هتيجوزوا من غيره يعنى

ام العروسه : جت على التلفزيون و تبخل على بنتك بيه وعلى فكره لازم نجيبه شاشه بلازما علشان نرفع راس البنت قدامهم

ابوالعروسه :

((القصه دي هنقلهلكم لحد يوم الفرح و الصباحيه اللى هيكون من ابطاله ام العروسه تحيه كريوكا و ابو العروسه عماد حمدى ))

ابقوا معنا

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://spyvet.ahlamontada.com
Admin
ADMIN
ADMIN
avatar

انثى
عدد الرسائل : 1122
العمر : 32
الموقع : www.spyvet.ahlamontada.com
العمل/الترفيه : only doing what i want
المزاج : nice
رقم العضويه : 1
تاريخ التسجيل : 18/11/2007

مُساهمةموضوع: رد: جهزت العروووووسه يا عماد يا حمدي   الأربعاء فبراير 13, 2008 3:19 am




العروسه: بعد ماقعدت اتكلمت مع خطيبها على التليفون
ماما ؟؟ ماما

ام العروسه : ايوه ياحبيبتى ماما ..

فوزيه : سكر بيقول عايزين نجيب النجف من كريستال عصفور.. والعفش من موبيليات القصر

البركه فى ابوكى طبعا لازم نجيب الحاجه عليها القيمه بدل ما اوبرا عايده تقعد تتنأوز على الحاجه وعملالنا فيها من المعادى .. ده انا احلى منها واصغر ((غيره حموات ))

باب الشقه اتفتح واتقفل...

ام العروسه : انت جيت ياعماد؟؟؟

عماد حمدي : خير؟؟

ام العروسه : عايزين نكلم الوليه علشان ننزل بكره .. ايه رايك ؟

ابو العروسه : وانا مالى ومال الوليه ماهى بتيجى تنظف وانتى اللى بتقفى معاها

تحيه : لاء ياراجل الوليه حماه بنتك

عماد حمدي : ااااااااه كلميها.



الوو

الو.. اهلا اهلا اهلا ازيك يا سوسو؟

الحمد الله انتى اخبارك ايه؟

الحمد الله .. واخبار العروسه واخوتها ايه ان شاء لله يكونوا بخير

بخير الحمد الله

كويس انا كنت لسه هكلمك سامح بيقولى انه كلم فوزيه وقالها انه عايز ينزل بقى يختار الحاجه ههههههههه العيال مستعجله على الجواز اوى

ههههه (ياسم) اه شباب اليومين دول بقى ..انا كنت بكلمك علشان الموضوع ده ايه رايك بكره ننزل نختار الصالون ؟

اه كويس بس بقولك ايه الصالون عايزنه مدهب وتكون الكنبه سرير و يبقى فى انتنين فوتيه كبير غير الكراسي وعايزن الصالون تنجيده يبقى ابينوس أاااه سامح مش اقل من ابن جولفيدار بنت خالتى جابوا صالون شيك شيك شيك اوى ومش غلى ب 24 الف بس يابلاش

العموم احنا سامح فوق عنينا اما ننزل بكره عدوا علينا وهننزل على العصر كده

اوكيه ياقمر باى


ام العروسه : الوليه دى مش هتجيبها لبر
يا فوزييييييييييه

فوزيه : نعم ياماما

تحيه : بكره ماتفتحيش بوقك بكلمه انا اللى اختاره تقولى عليه حلو واللى حماتك العقربه تقول عليه بصى عليه واسكتى

فهمتى
ام العروسه : الحق ياعماد قال صالون ابن بنت خالتها جوليدار ب 24 الف وبتقولى قال ايه مش غالى

لا هى فكرانى ايه ده انا لومعايا مش هجيبه علشان مين بنت خالتها

طبعا عماد حمدى التزم الصمت من هول المفاجئه

تابع

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://spyvet.ahlamontada.com
الفارس الملثم
مرشح للاشراف
مرشح للاشراف
avatar

ذكر
عدد الرسائل : 1254
العمر : 31
الموقع : الجنة ان شاء الله
العمل/الترفيه : احبكم جميعا.
المزاج : كويس بقربكم
رقم العضويه : 43
تاريخ التسجيل : 04/12/2007

مُساهمةموضوع: رد: جهزت العروووووسه يا عماد يا حمدي   الأربعاء فبراير 13, 2008 4:31 pm

هههههههههههههههههههههه

شكرا ليكي يا سويت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مور
عضو سوبر
عضو سوبر
avatar

انثى
عدد الرسائل : 454
العمر : 30
الموقع : احب اتنقل فى كل المواقع واشارك فيها كلها
العمل/الترفيه : طالبه والترفيه بحب كل وسائل الترفيه
المزاج : الحمد لله كويس لوبعيد عن حد يعكره
رقم العضويه : 74
تاريخ التسجيل : 11/02/2008

مُساهمةموضوع: رد: جهزت العروووووسه يا عماد يا حمدي   الأربعاء فبراير 13, 2008 6:28 pm

والله حاجه حلوه دى حكاوى الافلام الموجوده اليومين دول شكرا على المجهود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هبه
عضو دهبى
عضو دهبى
avatar

انثى
عدد الرسائل : 72
العمر : 31
رقم العضويه : 60
تاريخ التسجيل : 30/12/2007

مُساهمةموضوع: رد: جهزت العروووووسه يا عماد يا حمدي   الأربعاء فبراير 13, 2008 7:37 pm

هههههههههههههه جميله اوى يا سويت تسلم ايدك يا قمر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشاعر
مرشح للاشراف
مرشح للاشراف
avatar

ذكر
عدد الرسائل : 1185
العمر : 30
الموقع : الشعر
المزاج : nice
رقم العضويه : 47
تاريخ التسجيل : 08/12/2007

مُساهمةموضوع: رد: جهزت العروووووسه يا عماد يا حمدي   الأربعاء فبراير 13, 2008 9:38 pm

شكرا سويت على الموضوع الرائع


فعلا تستاهلى الادمن

ههههههههههههههههه

ومتخفيش

مش بحسدك
هههههههههههه

شكرا يا سويت على المشاركات الرئعه دى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
ADMIN
ADMIN
avatar

انثى
عدد الرسائل : 1122
العمر : 32
الموقع : www.spyvet.ahlamontada.com
العمل/الترفيه : only doing what i want
المزاج : nice
رقم العضويه : 1
تاريخ التسجيل : 18/11/2007

مُساهمةموضوع: رد: جهزت العروووووسه يا عماد يا حمدي   الخميس فبراير 14, 2008 2:36 am

الفارس الملثم كتب:
هههههههههههههههههههههه

شكرا ليكي يا سويت

هههههههههه ميرسي ليك يافارس ومستنيه رايك فى الحلقات الجديده

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://spyvet.ahlamontada.com
Admin
ADMIN
ADMIN
avatar

انثى
عدد الرسائل : 1122
العمر : 32
الموقع : www.spyvet.ahlamontada.com
العمل/الترفيه : only doing what i want
المزاج : nice
رقم العضويه : 1
تاريخ التسجيل : 18/11/2007

مُساهمةموضوع: رد: جهزت العروووووسه يا عماد يا حمدي   الخميس فبراير 14, 2008 2:36 am

مور كتب:
والله حاجه حلوه دى حكاوى الافلام الموجوده اليومين دول شكرا على المجهود


شكرا ليكى يامور ع الرد اجميل ده ويارب تعجبك كلها بقي

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://spyvet.ahlamontada.com
Admin
ADMIN
ADMIN
avatar

انثى
عدد الرسائل : 1122
العمر : 32
الموقع : www.spyvet.ahlamontada.com
العمل/الترفيه : only doing what i want
المزاج : nice
رقم العضويه : 1
تاريخ التسجيل : 18/11/2007

مُساهمةموضوع: رد: جهزت العروووووسه يا عماد يا حمدي   الخميس فبراير 14, 2008 2:37 am

هبه كتب:
هههههههههههههه جميله اوى يا سويت تسلم ايدك يا قمر

تسلميلى انتى ياقمر ع الرد الجميل وتابعينا بقي

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://spyvet.ahlamontada.com
Admin
ADMIN
ADMIN
avatar

انثى
عدد الرسائل : 1122
العمر : 32
الموقع : www.spyvet.ahlamontada.com
العمل/الترفيه : only doing what i want
المزاج : nice
رقم العضويه : 1
تاريخ التسجيل : 18/11/2007

مُساهمةموضوع: رد: جهزت العروووووسه يا عماد يا حمدي   الخميس فبراير 14, 2008 2:38 am

الشاعر كتب:
شكرا سويت على الموضوع الرائع


فعلا تستاهلى الادمن

ههههههههههههههههه

ومتخفيش

مش بحسدك
هههههههههههه

شكرا يا سويت على المشاركات الرئعه دى



ههههههههههه ماشي ياشاعر
بس احنا كلنا هنا الادمن بردو مش كده ولا ايه

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://spyvet.ahlamontada.com
Admin
ADMIN
ADMIN
avatar

انثى
عدد الرسائل : 1122
العمر : 32
الموقع : www.spyvet.ahlamontada.com
العمل/الترفيه : only doing what i want
المزاج : nice
رقم العضويه : 1
تاريخ التسجيل : 18/11/2007

مُساهمةموضوع: رد: جهزت العروووووسه يا عماد يا حمدي   الخميس فبراير 14, 2008 2:42 am


الحلقه التالته بقي ياجماعه يارب تعجبكو
بيييب بيييب بييييب ببيييب

ده سكررررررر

عماد حمدي : ومالك ملهوفه اوى كده ليه

ام العروسه : يلا يابنتى ننزلهم سلام ياعماد خليك انت بدل البهدله

عماد حمدى: ليه هو ابوه مش معاهم ؟؟؟


تحيه : لاء طبعا الستات بس اللى بتروح فى الحاجات اللى زى دى


فى العربيه بقى

سامح : هتروحوا فين ياطنط

ام العروسه : فى بتاع موبيليا فى حلوان بيقولوا عليه جميل اوى يلا نروحه

اوبرا عايده : لا لا لا نو حلوان ايه انا جولفيدار قالتلى على واحد فى المهندسين يلا يا سامح نروح على المهندسين

تحيه : مهندسين ايه دى غاليه اوى لا لا لا

ام العريس : يسلام غاليه فين ده لا هى كده كويس على المهندسين ياسامح

تحيه : لا مش هروح وانا مالى ومال جورنال بتاعتك دى

ام العريس : اووووه جورنال

سامح : مامى طنط خلاص انا وفوزريه حبيبتى قررنا هنروح فين واختارنا بتاع الموبيليا يلا فوووووووت

في بال ام العروسه : ( شوفى ياختى العيال اتفوقا من ورانا اكيد سامح ضغط على فوزيه علشان يختار حجات امه )

في بال ام العريس : ( اوه اكيد فوزيه ضغطت على سامح وخليته يروح معاها عند محل موبيليا اى كلام بس برضو ابنى لازم يتجهز باحسن عفش )

المحل ...

بيلفوا و بيلفوا

سامح : ها ياطنط عجبك حاجه ها يافوزيه ياحبيبتى عاجبك ايه

فوزيه : انا عاجبنى الصالون اللى هناك ده اوى بكام لو سمحت

الرجال البياع : ده يافندم صالون عالى المستوى ابينوس اصلى دهان انجليزى مابيروحش
ده يافندم من غير حاجه خالص للقموره

فوزيه : مرسى

الرجال البياع : ده تكلفته 17 الف بالتربيزات بتاعته ومن غير الترابيزات 15 الف بس يافندم سعر مش هتلاقيه فى حته خالص

فوزيه : لا لا لا ده مش اوى انا عاجبنى اللى فى الاول بكام ده

الرجال البياع : ده زوق راقى جدا من تصميمات الملكه ازابيلا الثانيه ده حضرتك بالاكسيسورى بتاعته 26 الف بس يافندم

ام العريس: ايه رايك يا فوفه مش ده احلى برضو

فوزيه : اللى يعجب سامح ياطنط

ام العريس : ها ياسامح؟؟؟




ام العريس : يا سامححححح

سامح : اه سوري يا مامى اه حلو مووت اوكيه


(ياخرابي البت الواد لاحس مخها) ههههه بس فوزيه
مكسوفه هى مش بتحب الاستيل ده مش كده يا فوزيه


ام العروسه : فوزييييييه

فوزيه : هه بصراحه يا ماما انا عاجبنى اللى هناك ده





سامح : اه يامامى هو ده اللى عاجبنى انا كمان


الرجال البياع : اه ده اللى انتوا اللى اتنين اخترتوه من اسبوع انا حجزتهولكوا ده يا مدام توحفه وعصرى ويليق بعرايس اليومين دول ومش غالى ده بس ب20 الف بالاكسيسورى بتاعته




هو ده اللى احنا عايزنه بقى

ده معقول انا هاخد راى الحاج ونرجع نشيله باذن الله


ليه هو حضرتك ماجبتيش مقدم معاكى؟؟؟ اوكيه بس لو سمحت احجزه باسم سامح وهناخده بعد بكره باذن الله


وطبعا رجعت ام العروسه البيت ومعاها عروسه العروسات فوزيه

تابع


_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://spyvet.ahlamontada.com
مور
عضو سوبر
عضو سوبر
avatar

انثى
عدد الرسائل : 454
العمر : 30
الموقع : احب اتنقل فى كل المواقع واشارك فيها كلها
العمل/الترفيه : طالبه والترفيه بحب كل وسائل الترفيه
المزاج : الحمد لله كويس لوبعيد عن حد يعكره
رقم العضويه : 74
تاريخ التسجيل : 11/02/2008

مُساهمةموضوع: رد: جهزت العروووووسه يا عماد يا حمدي   الخميس فبراير 14, 2008 3:14 pm

بجد تحفه انا وانا متبعه ببقا حسه اني وقفه معاهم وده بسبب طريقه السرد الممتاز انا هتابع الجاي اكيد والي الامام يا سكر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
ADMIN
ADMIN
avatar

انثى
عدد الرسائل : 1122
العمر : 32
الموقع : www.spyvet.ahlamontada.com
العمل/الترفيه : only doing what i want
المزاج : nice
رقم العضويه : 1
تاريخ التسجيل : 18/11/2007

مُساهمةموضوع: رد: جهزت العروووووسه يا عماد يا حمدي   الأحد فبراير 17, 2008 4:05 am

ماشي يامور ياعسل
الحلقه الجديده بقي


وكان ابو العروسه
منتظرهم
عماد حمدي : ها عملتوا ايه؟؟
تحيه : العيال اختاروا صالون حلو اوى
بس غالى حبتين يعنى مش اوى

عماد : كام يعنى؟؟

ام العروسه : هو الراجل بيقول 20 بس احنا هنفاصل معاه يعنى

عماد : خفى ياحجه شويه انتى عارفه البير وغطاه وعارفه كمان انى ورايا غيرها هى بنتى وكول حاجه بس خودى بالك الله يكرمك

وبقى كل يومين تلاته

تجرى ام العروسه وفوزيه على الشارع
من حلل تفيال لحلل المونيا.. للمصفاه والسكاكين ومعالق كبيره ومعالق صغيره وكسات وكوبيات ميه وطقم الصينى كان مشكله لواحده








نزلت ام العروسه مع العروسه وخطيب العروسه


تحيه : يلا يا سامح ودينا على حمام التلات يا حبيبي

فووووووووووووت

سامح : فوفه حبيبتى ماما قالتلى ان الطقم الصينى لازم يكون المانى ها انتى قولى لمامتك

فوفه طبعا بتاخد كلام خطيبها زى معظم بنات اليومين دول وماتخلفش فيه ما اعرفش ليه

المهم كل ما ست الحجه تختار طقم فوفه تعملها كده

وطبعا سامح

المهم وهوب ظهر الطقم الالمانى


بكام ده لوسمحت ؟؟

2000 جنيه يافندم وده اخره....



نشوف غيره..

فوزيه : لا ياماما ده عاجبنى اوى

سامح : فعلا ياطنط فوفه زوقها توحفه جدا

تحيه : ده غالى اوى يافوزيه واحنا لسه ورانا حاجات فى المطبخ كتير اوى ماهو الصينى حلو اهو ومش رخيص ده 800 وشكله احلى من الالمانى وبعدين عملى يابنتى والطقم الصينى ده اخره بيتحط فى النيش خلى الفلوس دى نحطها فى حاجه تانيه احسن

فوفه بصت لسامح كده لقيته قلب وشه
ماليش دعوه ياماما هو ده اللى عاجبنى

تحيه : يابنتى يهديكى يرضيكى اسمعى الكلام بس

سامح!!
براحتك يافوزيه

فوزيه : ماشى ياماما ده حتى الصينى شكله حلو اوى

تحيه : على بركه الله شيل ياعم

تابع

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://spyvet.ahlamontada.com
meshka
المشرف
المشرف
avatar

انثى
عدد الرسائل : 617
العمر : 32
رقم العضويه : 45
تاريخ التسجيل : 07/12/2007

مُساهمةموضوع: رد: جهزت العروووووسه يا عماد يا حمدي   الخميس فبراير 21, 2008 4:17 am

ههههههههههه ايه الحلاوه دى لا بجد nice قوى المسلسل ده ياسوييتتتتتتتت برافو عليكى

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
ADMIN
ADMIN
avatar

انثى
عدد الرسائل : 1122
العمر : 32
الموقع : www.spyvet.ahlamontada.com
العمل/الترفيه : only doing what i want
المزاج : nice
رقم العضويه : 1
تاريخ التسجيل : 18/11/2007

مُساهمةموضوع: رد: جهزت العروووووسه يا عماد يا حمدي   الخميس فبراير 21, 2008 7:01 pm

تسلميلى يامشكه

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://spyvet.ahlamontada.com
Admin
ADMIN
ADMIN
avatar

انثى
عدد الرسائل : 1122
العمر : 32
الموقع : www.spyvet.ahlamontada.com
العمل/الترفيه : only doing what i want
المزاج : nice
رقم العضويه : 1
تاريخ التسجيل : 18/11/2007

مُساهمةموضوع: رد: جهزت العروووووسه يا عماد يا حمدي   الخميس فبراير 21, 2008 7:02 pm




وفى البيت



((ضمنى حسسيسنى بوجودك تراااررااارار) موبيل فوفه اللى جابهولها سكر فى عيد ميلادها

فوزيه : الوه ايوه يا سامح

سامح : ايوه يافوزيه انا مش راضى ابدا على اللى حصل النهارده وبصراحه مش عاجبنى الطقم وشكله بلدى اوى انا مش عارف فرقت 800 عن 2000 يعنى هما استخسروا فيكى وبعدين انتى مش اقل من اى حد تانى ياحبيبتى انا عايز مصلحتك ماهى مامتك الطقم بتاعها المانى وعندها واحد تانى صينى خليها تجيبلك واحد المانى يا اما انا بقى هبقى اختار الحاجه اللى انا عايزها من غير رايك مدام انتى بتمشي رايك ومش واخده بالك انك هتتجوزينى وانى هشارك معاكى فى الموضوع ياخساره يافوزيه سلام
تك

فوزيه :
فوزيه : انا مش هتجوز ياماما خلاص مش عايزاه

تحيه : ليه بس

فوزيه : علشان انتوا هتصغرونى ومش هتجيبولى الطقم الالمانى عايزانى اتجوزوا ويقعد يعايرنى وماته تقعد تبصلى من فوق لتحت لاء لاء لاء

ام العروسه : هو لعب بدماغك طبعا طبعا ماهى مامته العقربه قومته علينا ومدام ماكنش راضى قالك براحتك ليه واحنا فى المحل

طبعا الموقف ده بيحصل وعماد حمدى نفسه ومنى عينه يارضى بنته بس يعمل ايه ماهو فعلا تحكمات مالهاش لزمه ايه فرق الصينى عن الالمانى وبعدين ب2000 جنيه يعنى حاجه اتكسرت نقعد نعيط عليها

(((كان طيب كان حنين اتريه كداب كبير...ترارار)) فوفه غيرت التون

فوزيه : الو
سامح : الو يا بيبي ... ماتزعليش منى انا اسف وانا عارف ان الموضوع مش بايدك خلاص بقى فكى ؟؟
فوزيه : هونت عليك تشخط فيا

سامح : هانى انتى ماتهونيش عليا يلا فرفشى بقى اوكيه

فوزيه : اوكيه

وبعد ما مشكله الطقم الصينى خلصت

وهدى الموضوع

رجعت فوفه ومامتها يجروا فى الشوارع على لبس فوزيه من بيجامات للبس خروج للبس سواريه للبس صيف لشتا ولخريف وفوفه عايزه لبس زى بتاع الموديلز اللى فى التلفزيون

وطبعا ده كان طلب سامح بس من غير ماحد يسمع

وفى يوم ام العروسه وعماد حمدى قاعدين بيقولها هو لبس فوفه خلص

ام العروسه : اه الحمد الله ده كان مهرجان بس ناقص شويه الفاستين اللى عند الخياطه صحيح انا عايزه فلوس الخياطه بقى

عماد حمدي : كام يعنى ده حتى الخياطين مهاودين عن اللبس اللى جاهز
ردت عليه وهى بتفصص البسله طبعا امال انا صممت على الخياطه ليه هات مممممم بتاع 1000

عماد حمدي : كام
ام العروسه : امال انت فاكر ايه ده لبسها كله على بعضه كلفنا 4000

عماد حمدي : يا حجا ياحجه حرام كده مش معقول هو انا قاعد على بنك ولا الدوله بتصرفلى يوم من ارباح انتاج البترول بتاعها

تحيه : مش عاجبك اللى انا بعمله حرام ما انا مقطوع نفسي نازله طالعه مع بنك وبحاول اجيب با اقلل الاسعار وشاده على الاخر وبطنش حاجات وبتحمل ناوزه حماتها والبنت الغلبويه بنتك اللى خطيبها سيقها وراه حرام عليك مش عاجبك انزل انت معاها
ده ايه ده حاجه تقرف

عماد حمدي : يسلام ياهنم والله وبقيتى بتعلى صوتك كمان لا والنبي سمعى الجيران

ام العروسه : انت بتشخط فيا طب ورحمه امى ما انا نازله معاها تانى اهو وادى البسله عنكوا ماطفحتوا

وجت فوزيه ولقيت الموقف نار بين بابها ومامتها

فوزيه : معليش ياماما ماهو بابا معذور برضو

معليش يا بابا ماهى ماما تعبانه برضو

فوزيه : الحقنى ياسامح ماما وبابا متخانقين اعمل ايه

واضطر سامح انه ياخد فوزيه وطنط وعمو ويعزمهم بره ويهدى الجو بينهم

خلاص بقى على الجواز اسبوعين

هوجه الستاير بقى

وما ادراكوا وما الستائر

نزلت الامهتين الكبار مع العروسين الصغننين

تابع

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://spyvet.ahlamontada.com
الشاعر
مرشح للاشراف
مرشح للاشراف
avatar

ذكر
عدد الرسائل : 1185
العمر : 30
الموقع : الشعر
المزاج : nice
رقم العضويه : 47
تاريخ التسجيل : 08/12/2007

مُساهمةموضوع: رد: جهزت العروووووسه يا عماد يا حمدي   الجمعة فبراير 22, 2008 6:44 am


هههههههههههههههههه


الحلقه دى جميله قوى سويت


يلا فين بقه الحلقه التانيه


ده الملابس خلت عماد حمدى وتحيه حيضربوا بعض


امال الستاير حتخليهم يعملوا

ايه


حيطلقوا


هههههههههههههههههه


بسرعه فين الحلقه الجديده


شكرا بجد سيت على المسلسل الرائع ده


فوزيه دى كمان بنتهم مشكله

هههههههههههههههه

جميل قوى المسلسل ده يا جميل

بجد حلو قوى

وشكرا عليه

ومستنين الحلقه الجديده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
cindrella
عضو سوبر
عضو سوبر
avatar

انثى
عدد الرسائل : 320
العمر : 28
المزاج : back again
رقم العضويه : 39
تاريخ التسجيل : 29/11/2007

مُساهمةموضوع: رد: جهزت العروووووسه يا عماد يا حمدي   الثلاثاء فبراير 26, 2008 1:09 am

ههههههههههههههههههههههههه شكراا ليكى يا سوت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جهزت العروووووسه يا عماد يا حمدي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
spyvet :: المنتديات الأدبيه :: عالم القصص والروايات-
انتقل الى: