منتديات سباى فيت .....لكى نتواصل علينا ان نتحاور ولكى نتحاور علينا ان نتناقش ....يدا واحده لبرالأمان
 
الرئيسيةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» أرجو الدخول هناااااااااا ( وجوب الصلاة علي النبي (ص))
الأربعاء أغسطس 12, 2009 10:58 pm من طرف rozita2

» يهود ولكن مصريون.
الخميس يونيو 04, 2009 11:40 pm من طرف mrmr

» متى تضحك البنت ؟
الخميس يونيو 04, 2009 11:28 pm من طرف mrmr

» ماهو الشىء الذى غير حياتك ؟؟؟
الخميس يونيو 04, 2009 11:04 pm من طرف mrmr

» اصــدقـــاء الـــمــنـــتــدى
الخميس يونيو 04, 2009 10:34 pm من طرف mrmr

» فديوهين ممنوعين للعرض على وسائل الاعلام ل اعدام الخنازير فى
الخميس يونيو 04, 2009 8:19 pm من طرف فتحى

» فيديومجزره فى الاسكندريه شاب يقتل اخر فى الشارع قدام الناس.
الخميس يونيو 04, 2009 8:12 pm من طرف فتحى

» Anatomy CD
الإثنين مارس 16, 2009 6:25 pm من طرف د.محمد

» خدع بصرية....
الإثنين فبراير 09, 2009 4:53 pm من طرف tammara

» خمسة عشر الــف شريــط اسلامي في برنامج صغير
الأحد فبراير 01, 2009 1:46 am من طرف lalaafocato

بحـث
 
 

نتائج البحث
 
Rechercher بحث متقدم
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 19 بتاريخ الخميس يوليو 25, 2013 12:26 pm
التبادل الاعلاني

شاطر | 
 

 ازاى تقابلى العريس لأول مره .... تعالى اقلك

اذهب الى الأسفل 
كاتب الموضوعرسالة
اهلاوى
المدير العام
المدير العام
avatar

ذكر
عدد الرسائل : 1443
العمر : 31
العمل/الترفيه : veternarian
رقم العضويه : 2
تاريخ التسجيل : 19/11/2007

مُساهمةموضوع: ازاى تقابلى العريس لأول مره .... تعالى اقلك   الثلاثاء مارس 04, 2008 2:17 am

بسم الله الرحمن الرحيم

أزاي اقابل عريس لأول مرة ...... موضوع جميل شفته على موقع قلت انقله والبنات تستفيد بقه
..................................................................................................................................................



أكيد أي بنت في سن الجواز وهي في بيت أهلها مرت أو هتمر بالموقف اللي هقول لكم عليه دلوقت...

يرن جرس التليفون وتلاقي واحدة قريبة مامتك من بعيد بتتصل بيكم في البيت وبعد السلامات والتحيات والذي منه تلاقيها بتسأل مامتك السؤال ده...

هو بنتك اللي لسه مخلصة الجامعة اتخبطت طبعا مامتك هتقول لها لا والله لسه النصيب مجاش..

هتقول لها طيب كويس أنا ابني بشمهندس زي الفل وبندور له على عروسة وأكييييييييييد مش هنلاقي أحسن من بنتكم إيه رأيك ما تيجي نتقابل في أي نادي أو نيجي البيت عندكم والولاد يتعرفوا على بعض يمكن يحصل نصيب...

أكيد مامتك هترحب وتقول لها تشرفوا في أي وقت أهلا وسهلا...

وبعد كده هتقول لك اعملي حسابك إن فيه ناس جايين الأسبوع اللي جاي..

أنت في الوقت ده بتضايقي جدا وبتكوني مش عارفة تعملي إيه أو تلبسي إيه وخايفة ومكسوفة ومحتاجة حد يساعدك ويقول لك على اللي المفروض تعمليه في موقف زي ده..

علشان كده قررنا النهارده
نقف جنب أي بنت جاي لها عريس

ونقول لها ازاي تتصرف في الموقف ده
علشان يعدي بسلام..


يلا نشوف مع بعض



هناك قاعدة تقول إن "الانطباع الأول يدوم" يعني الفكرة اللي هياخدها عنك الشاب اللي جاي ده في أول لقاء هيترتب عليها حاجات كتير قوووي نفس الشيء بالنسبة ليك الفكرة اللي هتاخديها عنه من أول مرة هيترتب عليها حاجات كتير قوووي...

علشان كده عايزاك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب.

طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش قال لي كلمة مفيدة أقدر أستفيد بيها...

ماتخافيش أنا دلوقتي همشي معاك خطوة خطوة وأقول لك تعملي إيه..

الخطوة الأولى : جهزي نفسك نفسيا ومظهريا

1- علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي يتفرج عليها لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك.

2- حاولي على قد ما تقدري تخلي أعصابك هادية جدا وتبعدي عن أي مصدر قلق أو توتر علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي...

3- بعد كده ادخلي الأوضة عندك وابدأي في اختيار لبسك وعلى فكرة النقطة دي بتحير بنات كتيييييييير قووووي لأنهم بيحتاورا يلبسوا كلاسيك ولا لبس عادي...
بس بيني وبينك ياريت أول مرة دي تلبسي لبسك العادي اللي أنت بتلبسيه وأنت خارجة يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز أو لو كنت بتلبسي جوب وبلوزة البسيهم برضه وده علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي قوووي وممكن تبينك أكبر من سنك ..

واوعي تنسي تختاري الألوان اللي تكون مناسبة عليك وتنور وشك.

4- لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم .

5- ياريت في اليوم ده ما تكتريش في المكياج علشان ما تبقيش عاملة زي البلياتشو ... وخليك بسيطة جدا في مكياجك يعني كفاية قووي إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود طبيعي.

6-خليك متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي..

أعتقد إنك لو عملت الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده.


الخطوة التانية:أثناء اللقاء نفسها

1- بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليك واثقة من نفسك وأنت قاعدة وخدي الموضوع ببساطة علشان يعدي.

2- لو مامته جات معاه ياريت تخلي بالك وأنت قاعدة منها وبلاش تكشري في وشها وهي قاعدة خليك مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليك ذكية وفكري في كل كلمة قبل ماتقوليها.

3- وأنت قاعدة اتكلمي براحتك من غير تكلف وافتحي مجالات للكلام واسمعي ليه كويس وهو بيتكلم علشان تقدري تحكمي عليه.

4- لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك.

5- خليك جريئة ولو وجه لك الكلام ردي عليه بذوق من غير كسوف.

كمان خدي بالك قوووي..

1- لو سمحت الظروف وقعدتوا مع بعض ياريت تتكلمي معاه في أمور عادية جدا زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك... ولو تطور الكلام بينكم لأي مواضيع فيها جدل خليك ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه.

واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة.

2- لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه.


الخطوة الثالثة:بعد انتهاء اللقاءا


بعد ما يمشوا عايزاك تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده لأن فيه حاجات حتى لو بسيطة هتكون بانت قدامك ولو مش قادرة تحكمي كويس يا ريت تطلبي لقاء تاني علشان تقدري تحكمي على أساس صح وربنا يوفقك..

ولغاية هنا وخلص الكلااام

بس عاوزين نعرف منك رأيك إيه
في النصائح اللي قلنا عليها دي

هل فعلا النصائح دي مفيدة وممكن تعمليها لما تتحطي في الموقف ده؟؟؟

وعاوزين البنات تحكى بقه اللى مر بالموقف ده واللى لسه ممرتش كده يعنى

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sofya
عضو سوبر
عضو سوبر


انثى
عدد الرسائل : 439
العمر : 30
رقم العضويه : 78
تاريخ التسجيل : 16/02/2008

مُساهمةموضوع: رد: ازاى تقابلى العريس لأول مره .... تعالى اقلك   الثلاثاء مارس 04, 2008 3:09 am

يا عم بس هو ييجى العريس الاول وبعدين ربنا يسهلها هههههههههههههههههههههههههه بس بجد والله يا اهلاوى معلومات جميله فعلا ميرسى قوى ليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
ADMIN
ADMIN
avatar

انثى
عدد الرسائل : 1122
العمر : 32
الموقع : www.spyvet.ahlamontada.com
العمل/الترفيه : only doing what i want
المزاج : nice
رقم العضويه : 1
تاريخ التسجيل : 18/11/2007

مُساهمةموضوع: رد: ازاى تقابلى العريس لأول مره .... تعالى اقلك   الثلاثاء مارس 04, 2008 4:29 am

تمام يااهلاوى هبقي اخد بالنصايح دى بقي ههههههههههههههههههههههههه
بس ساعتها الواحد مش بيفكر هيعمل ايه يعنى اهو موقف وبيعدى بقي ههههههههههههههه
شكرا ليك

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://spyvet.ahlamontada.com
meshka
المشرف
المشرف
avatar

انثى
عدد الرسائل : 617
العمر : 33
رقم العضويه : 45
تاريخ التسجيل : 07/12/2007

مُساهمةموضوع: رد: ازاى تقابلى العريس لأول مره .... تعالى اقلك   الثلاثاء مارس 04, 2008 3:27 pm

هههههههههه هى نصائح هايله فعلا يااهلاوى بس زى ماقالت سويت الواحد مبيفكرش ساعتها يعمل ايه الموقف بيعدى وخلاص

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اهلاوى
المدير العام
المدير العام
avatar

ذكر
عدد الرسائل : 1443
العمر : 31
العمل/الترفيه : veternarian
رقم العضويه : 2
تاريخ التسجيل : 19/11/2007

مُساهمةموضوع: رد: ازاى تقابلى العريس لأول مره .... تعالى اقلك   الخميس مارس 06, 2008 10:17 pm

sofya كتب:
يا عم بس هو ييجى العريس الاول وبعدين ربنا يسهلها هههههههههههههههههههههههههه بس بجد والله يا اهلاوى معلومات جميله فعلا ميرسى قوى ليك

ههههههههه لا هيجى كتير متقلقيش وهترفضى كتير عارفكوا انا بيتصلبوا على اى حاجه ههههههههه

نورتينى صوفيا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اهلاوى
المدير العام
المدير العام
avatar

ذكر
عدد الرسائل : 1443
العمر : 31
العمل/الترفيه : veternarian
رقم العضويه : 2
تاريخ التسجيل : 19/11/2007

مُساهمةموضوع: رد: ازاى تقابلى العريس لأول مره .... تعالى اقلك   الخميس مارس 06, 2008 10:18 pm

sweet soul كتب:
تمام يااهلاوى هبقي اخد بالنصايح دى بقي ههههههههههههههههههههههههه
بس ساعتها الواحد مش بيفكر هيعمل ايه يعنى اهو موقف وبيعدى بقي ههههههههههههههه
شكرا ليك

ممممم موقف اه مش كده دا انتوا بتطلعوا عين العريس هههههههههه

نورتينى يا سويت

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اهلاوى
المدير العام
المدير العام
avatar

ذكر
عدد الرسائل : 1443
العمر : 31
العمل/الترفيه : veternarian
رقم العضويه : 2
تاريخ التسجيل : 19/11/2007

مُساهمةموضوع: رد: ازاى تقابلى العريس لأول مره .... تعالى اقلك   الخميس مارس 06, 2008 10:32 pm

meshka كتب:
هههههههههه هى نصائح هايله فعلا يااهلاوى بس زى ماقالت سويت الواحد مبيفكرش ساعتها يعمل ايه الموقف بيعدى وخلاص

ممممممممم برضو يا مشكه عاملين فيها طيبين انتوا وموقف وبتاع هههههههههه دا انتوا بتعملو له كشف هيئه زى الكليات العسكريه هههههههه

نورتينى كتير يا مشكه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ازاى تقابلى العريس لأول مره .... تعالى اقلك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
spyvet :: منتديات الطفل والمرأه :: حوا وأدم-
انتقل الى: