EnGiNeeR
عضو جديد
عدد الرسائل : 11
العمر : 33
رقم العضويه : 90
تاريخ التسجيل : 06/03/2008
 |  موضوع: ماما امريكا ....!!!  الجمعة مارس 07, 2008 1:01 am | |
|
مـامـا امريكا يا سـت الكـل بيتك الابيض زي الـفل
عمره ما يجرح عمره ما يظلم عمره ما حسس حد بـذل
علــمـتـيــنا مـبـادئ يــامــا هـأذكر بعض و ليس الكل
دحرج قرشك وامشى ف ضله اغسل ايدك بعدين كــــل
يبقى جميل لـو كـان لـك رأي بس الأجمل تبقى دهـــل
مـامـا امـريـكا يـا أجـمــل أم يـاللي بتكرهى لـون الـدم
عايزه الدنـيا تعيش في سلام مش ارهاب وحروب أو غم
طــول الـليل بـتفكرى فـــينــا دايماَ صاحيه و شـايـله الـهم
بـتـفـكـرى ف هـــمــوم الـناس مين تعبان مجروح مهـتم
مين اتعشي و مين غــلــبــان ملاقاش أكل عشـان يتسم
مـاما امـريكا يـا أم صـحـيح يــامـا وقفتى فى وش الريح
نـفسـك كــل الناس تــتــدلــع و الأطـفال تركب مـراجـيـح
بس الـناس دُول مـش فاهمـينك ناس لا مؤاخذه عقولها صفيح
يـعـنى نسـيب بـغـداد تتـبغـدد تـعـمل بمـب بـدون تصريح
ولا نسـيـب أطــفـال بحـجاره تضرب شعب ضعيف وجريح
مـامـا امـريكا رئـيسـك بوش مالـهوش حل و حل مالوش
راجـل صالـح عـاقـل عـادل صاحب مبدأ حـلّـق حـوش
عمره ما عجبـه الحال الـمـايـل عمره ما خاف و ما بيهموش
حتى اصحابه بلـير و شارون ناس بصراحه ما يتوصفوش
أخلاق ايــه و طعامة ايــه بس الناس بيقولو وحوش
مـامـا كمان الـنـاس بـتـقـول انــك قــاســيـه و أهــلك دُول
ناس غداره و رخمه و خاينه لـكن بـكـره الظـلـم يــزول
بكره الناس هتحس بـقيـمتك و تـقـول فـيكي كلام معسول
بكره الناس هتقولك THANKS
و انتى تقولى NOT AT ALL
لـكـن لازم نصــبـر حـبـه و اللى هـيصبر بـكره ينول
ورقصنى ياجدع ... حررنا فلسطين
ههههههههههههههههههههههههه
| |
|
الشاعر
مرشح للاشراف
عدد الرسائل : 1185
العمر : 36
الموقع : الشعر
المزاج : nice
رقم العضويه : 47
تاريخ التسجيل : 08/12/2007
| | موضوع: رد: ماما امريكا ....!!! الجمعة مارس 07, 2008 1:26 am | |
|
ههههههههههههههههههههههههههههه
ههههههههههههههههههههههههههههه
والله قصيده جااااااااااااااااااااااااااااااااااااااااااامده
تاخد عليها امتياز
ههههههههههههههههههههه
مش عارف اقولك ايه
بجد موضوع جمييييييييييييييييييييييييييل قوى
انا قولت حتولعهااااااااااااااااااااااااااااا
متشكرين ياباشا
| |
|
الفارس الملثم
مرشح للاشراف
عدد الرسائل : 1254
العمر : 37
الموقع : الجنة ان شاء الله
العمل/الترفيه : احبكم جميعا.
المزاج : كويس بقربكم
رقم العضويه : 43
تاريخ التسجيل : 04/12/2007
| | موضوع: رد: ماما امريكا ....!!! الجمعة مارس 07, 2008 8:16 am | |
| هههههههههههههههههههههههه
هههههههههههههههههههههههههه
ممتازة يا مهندس | |
|
Admin
ADMIN
عدد الرسائل : 1122
العمر : 38
الموقع : www.spyvet.ahlamontada.com
العمل/الترفيه : only doing what i want
المزاج : nice
رقم العضويه : 1
تاريخ التسجيل : 18/11/2007
| | موضوع: رد: ماما امريكا ....!!! الأحد مارس 09, 2008 3:48 am | |
| ههههههههههههههههههههههههههههههههههه طيب هتوصلهم ازاى دى ههههههههههههههههه | |
|
